اسلام آباد (این این آئی)بھارتی خاتون عظمیٰ سے شادی کرنے والے پاکستانی نوجوان طاہر نے اپنی بیوی کے تمام الزامات مسترد کر دئیے ہیں۔طاہر علی کے مطابق عظمیٰ جھوٹ بول رہی ہے کہ اسے نشہ دے کر بونیر لے گیا تھا ٗواہگہ سے بونیر جاتے ہوئے صوابی میں ہم نے کھانا بھی کھایا۔طاہر نے بتایا کہ عظمیٰ سے پہلی ملاقات ٹیکسی چلاتے ہوئے ہوئی تھی، عظمیٰ پہلے سے شادی شدہ تھی، اس کی ایک بیٹی بھی تھی،
عظمیٰ کو مجھ سے شکایت نہیں، سارا معاملہ ہائی کمیشن کا ہے۔طاہر علی کے مطابق عظمیٰ کا بیان سراسرجھوٹ ہے ، اگر میں نے اس پر تشدد کیا ہے تو اس کا میڈیکل ٹیسٹ کرایا جائے۔ عظمیٰ نے جو بیان عدالت میں دیا غلط ہے ٗاْسے پتا تھا میرے چار بچے ہیں اور مجھے بھی پتا ہے کہ اْس کی ایک بیٹی ہے،عظمیٰ پہلے سے شادی شدہ تھی، اس کی ایک بیٹی بھی تھی، میرے پاس ملاقات سے نکاح تک ہر بات کا ثبوت ہے۔
