اسلام آباد(مانیٹرنگ ڈیسک)پیپلزپارٹی کے چیرمین آصف علی ز ردار ی کوسیکورٹی کلیئرنس نہ ملنے پرلوئردیرمیں پیپلز پارٹی کے جلسے میںان کی شرکت منسوخ کر دی گئی ہے۔ایک نجی ٹی و ی کے مطابق آصف علی زرداری سمیت مرکزی قیادت نے لوئردیرمیں پیپلزپارٹی کے جلسے سے خطاب کرناتھالیکن سیکیورٹی خدشات کے باعث مقامی انتظامیہ نے آصف زرداری کو جلسے میں شرکت کی اجازت نہیں دی
اور انہیں دیر آنے سے منع کر دیا گیا ۔پیپلز پارٹی کے مطابق جلسے میں آصف علی زرداری کی عدم شرکت کے باعث سابق وزیراعظم یوسف رضا گیلانی ان کی نمائندگی کریں گے اور ان کے ہمراہ دیگر مرکزی قائدین بھی جلسے سے خطاب کریں گے۔واضح رہے کہ پیپلزپارٹی کایہ جلسہ عام انتخابات کی تیاریوں کاحصہ سمجھاجارہاہے ۔۔اس جلسہ عام میں کئی اہم سیاسی رہنمائوں نے پیپلزپارٹی میں شرکت کااعلان بھی کرناتھا۔
