شیخوپورہ(این این آئی )خانقاہ ڈوگراں کے قریب نا معلوم افراد کی طرف سے جمعیت علمائے پاکستان کے رہنما پیر نورالمجتبیٰ چشتی پر قاتلانہ حملے میں ان کا ایک ساتھی جاں بحق جبکہ ایک زخمی ہو گیا ۔ بتایا گیا ہے کہ جے یو پی کے رہنماپیر نور المجتبیٰ چشتی ساتھیوں کے ہمراہ گاڑی میں سوار ہو کر جارہے تھے کہ خانقاہ ڈوگراں کے قریب نا معلوم افراد نے ان کی گاڑی پر اندھا دھند فائرنگ کر دی
جس کی زد میں آ کر ان شاگرد حافظ ظفر عباس جاں بحق جبکہ ایک ساتھی شدید زخمی ہو گیا ۔ اطلاع ملتے ہی خانقاہ ڈوگراں پولیس موقع پر پہنچ گئی جس نے لاش اور زخمی کو فوری ہسپتال منتقل کر کے علاقے کی ناقہ بندی کر کے ملزمان کی تلاش شروع کر دی ہے۔پولیس نے پیر نور المجتبیٰ چشتی کو حفاظتی تحویل میں لے کر فوری محفوظ مقام پر منتقل کردیا۔
