اسلام آباد (مانیٹرنگ ڈیسک) محکمہ موسمیات نے آج بھی ملک کے بیشتر علاقوں میں موسم گرم اور خشک رہنے کی پیشن گوئی کردی تاہم اس دوران مالاکنڈ، مکران ڈویژن، بالائی فاٹا، گلگت بلتستان اور کشمیر میں بعض مقامات پر تیز ہواؤں اور گرج چمک کے ساتھ بارش کی توقع ہے۔محکمہ موسمیات کے مطابق اگلے 2روز کے دوران ملک کے بیشتر علاقوں میں موسم گرم اور خشک جبکہ بالائی سندھ اور جنوبی پنجاب میں موسم شدید

گرم رہے گا۔ لاہور میں گرمی کی شدت میں اضافہ ہو چکا ہےجبکہ اسلام آباد کے درجہ حرارت میں بھی اضافہ محسوس کیا جا رہا ہےجبکہ کراچی میں دھوپ کی شدت بڑھ چکی ہے۔مالاکنڈ ڈویژن، فاٹا اور گلگت بلتستان میں بعض مقامات پر گرج چمک کے ساتھ ہلکی بارش کا امکان ہے۔۔ آج پارہ 37 ڈگری تک جانے کا امکان ہے جبکہ مغربی سمت سے چلنے والی ہواؤں کی رفتار 18 کلومیٹر فی گھنٹہ رہے گی۔