کراچی (مانیٹرنگ ڈیسک) پی ٹی آئی چیئرمین عمران خان نے پاناما کیس پر منہ بند رکھنے پر 10 ارب روپے کی پیشکش کرنے والے کی شناخت بتاتے ہوئے کہا ہے کہ وہ شخصیت لاہور میں رہتی ہے، جس کے ہماری پارٹی اور مخالفین سے گہرے تعلقات ہیں۔کچھ بھی نہ کہا اور کہہ بھی گئے، پاکستان تحریک انصاف کے سربراہ عمران خان نے بھی کراچی آمد پر ایسا ہی کیا، کپتان کو 10 ارب کی پیشکش کس نے کی ؟؟ کپتان نے آفر کرنے

والے کی شناخت کے بارے میں مزید تفصیلات بتادیں۔جب ایک صحافی کی جانب سے سوال کیا گیا کہ آپ آج عوام کی عدالت میں اس شخص کا نام بتا دیں کہ آپ کو 10 ارب روپے کی پیشکش کس نے دی تھی۔صحافی کی بات پر کپتان کا کہنا تھا کہ 10 ارب کی پیشکش کرنے والا لاہور میں رہتا ہے، مجھے عدالت بلاؤ ، آفر کرنے والے کا نام بتا دوں گا، جس نے مجھے آفر کا بتایا اسے بھی کہا گیا کہ عمران خان کو منا لیا تو 2 ارب آپ کو بھی دیں

موضوعات:عمران خان