کراچی(آئی این پی)سابق ایس ایس پی سی آئی ڈی چودھری اسلم پر حملے کا پولیس چالان انسداد دہشتگردی کی خصوصی عدالت کو موصول ہوگیا،چالان انسداد دہشتگردی کی خصوصی عدالتوں کے منتظم جج کی عدالت میں پیش کیا گیا ، چالان میں بتایا گیا ہے کہ چودھری اسلم کے قتل کی منصوبہ بندی افغانستان میں ہونے والے تحریک طالبان کے اجلاس میں دی گئی ، 2013 میں چودھری اسلم کے قافلے پر حملہ کیا گیا،

تفتیشی افسر کے پیش کردہ چالان کے مطابق خودکش حملہ آور نعیم افغانستان میں قیام پزیر تھا،جس کی شناخت نادرا کے ریکارڈ سے ہوئی ،چالان میں نشاندہی کی گئی ہے کہ قتل میں ملوث کالعدم تنظیم کے ظفر سائیں سمیت 3 کارندے گرفتار ہیں،دوسری جانب چالان امیر تحریک طالبان ملا فضل اللہ سمیت دیگر کومفرور قرار دیا گیا ہے،جس کے ناقابل ضمانت وارنٹ گرفتاری جاری کردئیے گئے ہیں،مقدمے کی سماعت جلد شروع ہوگی