اسلام آباد(مانیٹرنگ ڈیسک)پاکستان مسلم لیگ نواز سندھ کے رکن صوبائی اسمبلی اسماعیل راہو جنھیں حال ہی میں پارٹی کی صوبائی صدارت سے ہٹا کر بابو جتوئی کو صدر بنایا گیا تھا، نے پاکستان پیپلز پارٹی (پی پی پی) میں شمولیت اختیار کرلی۔اسماعیل راہو نے شہید فاضل راہو (گولارچی) میں اپنے ساتھیوں
اور حمایتوں کو دعوت دی اور پی پی پی میں شمولیت کے حوالے سے ان سے مشورہ کیا۔انھوں نے اپنے ساتھیوں سے کہا کہ پاکستان مسلم لیگ نواز نے انھیں اور حلقے کو ترقیاتی پیکیج کے حوالے سے مکمل طور پر نظر انداز کردیا ہے اور پارٹی نے 1995 سے تاحال حلقے کی طرف کوئی توجہ نہیں دی۔
