اسلام آباد (مانیٹرنگ ڈیسک) پانامہ کیس کی سماعت کرنے والا 5رکنی بنچ جے آئی ٹی کی تشکیل کے بعد تحلیل کر دیا جائے گا، جے آئی ٹی رپورٹ نئے بننے والے بنچ کو پیش کی جائے گی، پانامہ فیصلے میں نواز شریف کو نا اہل قرار دینے کی سفارش کرنے والے ججز نئے بنچ

میں شامل نہیں ہو نگے۔ نجی ٹی وی چینل کے مطابق پانامہ کیس کی سماعت کرنے والا5رکنی بنچ جے آئی ٹی تشکیل دینے کے بعد تحلیل کر دیا جائے گا ، جسٹس آصف سعید کھوسہ کی سربراہی میں قائم یہ پانچ رکنی بنچ پانامہ کیس پر سنائے گئے اپنے فیصلے کے مطابق جے آئی ٹی تشکیل دینے کے بعد تحلیل ہو جائے گا جبکہ چیف جسٹس آف پاکستان ثاقب نثار ایک نیا بنچ تشکیل دینگے جس کو پانامہ کیس کے فیصلے کے مطابق بنائی گئی جے آئی ٹی رپورٹ پیش کی جائے گی۔ نئے بننے والے بنچ میں وزیراعظم نواز شریف کو نا اہل قرار دینے کی سفارش کرنے والے دو ججز شامل نہیں ہونگے ۔واضح رہے کہ پانامہ کیس فیصلہ 3:2کے تناسب سے سنایا گیا ہے جس میں تین ججز نے تحقیقات کیلئے جے آئی ٹی بنانے کی سفارش کی تھی اور اکثریتی فیصلہ کی بدولت اس بنچ نے جے آئی ٹی کی تشکیل کیلئے اداروں سے نام مانگ لئے جن کو 7روز میں فائنل کردیا جائے گا۔پانامہ کیس کی سماعت اور فیصلہ کرنے والے بنچ کی تحلیل کے بعد چیف جسٹس آف پاکستان ثاقب نثـار اپنے صوابدیدی اختیارات کے تحت جو نیا بنچ تشکیل دینگے وہ ممکنہ طور پر دو رکنی ہو گا۔۔پانامہ کیس کی سماعت اور فیصلہ کرنے والے بنچ کی تحلیل کے بعد چیف جسٹس آف پاکستان ثاقب نثـار اپنے صوابدیدی اختیارات کے تحت جو نیا بنچ تشکیل دینگے وہ ممکنہ طور پر دو رکنی ہو گا۔

موضوعات:پانامہ کیس فیصلہ