اسلام آباد(مانیٹرنگ ڈیسک) اللہ تعالیٰ آپ کا شکر ،نواز شریف پانامہ کیس کا فیصلہ سنتے ہی اللہ تعالیٰ کا شکر بجا لائے۔ تفصیلات کے مطابق وزیر اعظم نواز شریف نے پاناما کیس میںسپریم کورٹ کے فیصلے پر اپنے پہلے ردعمل میں اللہ تعالیٰ کا شکر ادا کیا ہے۔وزیراعظم نے اپنے بھائی اور وزیراعلیٰ پنجاب شہباز شریف، بیٹی مریم نواز اور

پرویز رشید کے ہمراہ ٹی وی پر عدالتی فیصلہ سنا۔مریم نواز نے سماجی رابطوں کی ویب سائٹ ٹویٹر پر وزیراعظم کی اس موقع پر تصاویر شیئر کرتے ہوئے اپنے پیغام میں کہا ہے کہ ’’مبارک،وزیراعظم نواز شریف ، سب تعریفیں اللہ ہی کے لیئے ہیں‘‘۔تصاویر میں دیکھا جا سکتا ہے کہ وزیراعظم نواز شریف ان کے اہل خانہ اور قریبی رفقا ان کے ساتھ پانامہ کیس کا فیصلہ آنے پر خوشی اور مسرت کا اظہار کرتے ہوئے انہیں مبارکباد دے رہے ہیں۔