اسلام آباد(مانیٹرنگ ڈیسک)پانامہ کیس فیصلے سے وزیراعظم نوازشریف اور ان کی فیملی کیلئے بہت سے مسائل پیدا ہوسکتے ہیں ،معروف ماہر علم نجوم آغا بہشتی نے آج کا دن شریف فیملی کیلئے مشکل قرار دیدیا۔تفصیلات کے مطابق ماہر علم نجوم آغا بہشتی نے پانامہ کیس فیصلے بارے پیشگوئی کرتے ہوئے کہا ہے کہ وزیراعظم اور ان کی فیملی کیلئے یہ فیصلہ بہت سے

مسائل کا پیش خیمہ ثابت ہو سکتا ہے جبکہ آج 20اپریل جمعرات کا دن نواز شریف اور ان کے خاندان کیلئے ایک مشکل اور سخت دن ہو گا۔آغا بہشتی کا کہنا ہے کہ پانامہ فیصلہ میں کمیشن بننے کے امکانات کم ہیں ۔ انہوں نے پیشگوئی کرتے ہوئے کہا پانامہ کیس فیصلے کے بعد وزیراعظم نواز شریف کے مستقبل بارے گیند الیکشن کمیشن کے کورٹ میں جائے گی اور اگر الیکشن کمیشن نے فیصلہ کیا تو نواز شریف کا وزارت عظمیٰ پر برقرار رہنا مشکل ہو جائے گا تاہم آغا بہشتی کا یہ بھی کہنا تھا کہ آئندہ عام انتخابات 2018میں ہی ہوتے نظر آرہے ہیں اور اس وقت تک نواز شریف ہی وزیراعظم کی کرسی پر براجمان رہیں گےمگر ان کی فیملی کے افراد پیچیدہ مسائل سے دوچار ہو سکتے ہیں۔واضح رہے کہ 21روز قبل آغاز بہشتی نے پاکستان کے ایک معروف اخبار سے گفتگو کرتے ہوئے پیش گوئی کی تھی کہ پانامہ کیس کا فیصلہ جمعرات کے روز سنایا جائے گا جبکہ تاریخ کچھ بھی ہو سکتی ہے۔ آغا بہشتی کی یہ پیشگوئی بالکل درست ثابت ہو چکی ہے اور آج بروز جمعرات 20اپریل دن 2بجے سپریم کورٹ پانامہ کیس کا فیصلہ سنانے جا رہی ہے۔آغا بہشتی کی یہ پیشگوئی بالکل درست ثابت ہو چکی ہے اور آج بروز جمعرات 20اپریل دن 2بجے سپریم کورٹ پانامہ کیس کا فیصلہ سنانے جا رہی ہے

موضوعات:آغا بہشتی پانامہ کیس فیصلہ