ملتان(آئی این پی)سعودی عرب سے مختلف کیسزمیں ڈی پورٹ ہونے والے مزید204پاکستانی ملتان ائیرپورٹ پہنچ گئے جہاں امیگریشن حکام نے تمام مسافروں کو انکوائری اور پوچھ گچھ کے بعد گھروں کو روانہ کر دیا۔ڈی پورٹ کیے گئے 204پاکستانی سعودی فلائٹ سے ملتان انٹرنیشنل ائیرپورٹ پر پہنچے۔ائیرپورٹ ذرائع کے
مطابق ان مسافروں میں سے 114 مسافروں کو ایمرجنسی پاسپورٹ کی مد میں جبکہ 90 کا پاسپورٹ ضبط ہونے پر ڈیپورٹ کیا گیا ۔ان مسافروں کوکہاگیاہے کہ ابھی توآپ جاسکتے ہیں لیکن پاسپورٹ واپس لینے کےلئے آپ کوکلیئرنس کےلئے دوبارہ بلایاجائے گااوراس دوران تفتیش کاعمل بھی مکمل کیاجائے گا۔
