ملتان(آئی این پی)سینئرسیاستدان مخدوم جاوید ہاشمی نے کہا ہے کہ بعض قوتوں کو سی پیک اور ملکی ترقی وخوشحالی کے منصوبے ہضم نہیں ہورہے،افغانستان میں واقع بھارتی قونصل خانے پاکستان میں دہشت گردی ملوث ہیں،پاناما کیس کا جو فیصلہ بھی آئے گا،سب کو قبول کرنا ہوگا،یہی ملک کے مفاد میں بہتر ہوگا،مسلم لیگ(ن)یوتھ ونگ کے رہنما چوہدری آصف انصاری سے ملاقات کے دوران گفتگو کرتے ہوئے مخدوم جاوید
ہاشمی کا کہنا تھا کہ سی پیک منصوبہ گیم چینجر ہے ،۔ملک دشمن قوتوں کی تمام سازشیں ناکام ہوں گی ،سی پیک منصوبہ بروقت مکمل ہوگا۔انہوں نے کہا کہ دہشت گردوں کیخلاف پاک فوج کا آپریشن ردالفساد کامیابی سے جاری ہے ،ہماری فوج ہمارا فخر ہے ،پوری قوم دہشت گردی کیخلاف جنگ میں پاک فوج کے شانہ بشانہ ہے۔ پاناما کیس کے فیصلے کا پوری قوم کو انتظار ہے ،فیصلہ جو بھی ہوتمام سیاسی جماعتوں کو قبول کرنا ہوگا۔
