کراچی(مانیٹرنگ ڈیسک)انسپکٹر جنرل پولیس سندھ اے ڈی خواجہ کی طرف سے دائر شکایت پر پیمرا شکایات کونسل سندھ کی سفارشات کی روشنی میں نجی ٹی وی چینلز’’چینل 24‘‘ پر 3لاکھ روپے اور ’’اب تک‘‘ پر 2 لاکھ روپے جرمانہ عائد کردیا گیا۔پاکستان الیکٹرانک میڈیا ریگولیٹری اتھارٹی (پیمرا) کی جانب سے جاری پریس ریلیز کے مطابق مذکورہ ٹی وی چینلز انتظامیہ کو یہ ہدایات بھی جاری کی گئی ہیں کہ آئی جی

سندھ اے ڈی خواجہ کے خلاف غلط اور من گھڑت خبر چلانے پر ناظرین سے معذرت بھی نشر کی جائے۔پیمرا شکایات کونسل کے اجلاس میں ’’چینل 24 ‘‘ کے رپورٹر ظلِ حیدر کی طرف سے مورخہ 18 دسمبر 2016ء کو ایک رپورٹ میں اور ‘اب تک کے پروگرام ’’بے نقاب‘‘ بتاریخ 22 دسمبر 2016ء میں اینکر سیفان خان کی جانب سے اے ڈی خواجہ پر جھوٹے اور من گھڑت الزامات عائد کرنے کی شکایات کی سماعت ہوئی۔

موضوعات:آئی جی سندھ اے ڈی خواجہ ا