لاہور(آئی این پی)وزیر اعلیٰ پنجاب محمد شہباز شریف کی ہدایت پر عوام کو صحت مند اور معیاری خوراک کی فراہمی یقینی بنانے کے لیے پنجاب فوڈ اتھارٹی کا کریک ڈاؤن جاری ہے۔ اس سلسلے میں ملاوٹ مافیا کے خلاف کاروائی کرتے ہوئے ایکسپائر بوتلوں کی تاریخ بدل کردوبارہ فروخت کا سکینڈل بے نقاب کر دیا۔ تفصیلات کے مطابق لاہور اور گوجرانوالہ کے مضافات میں ملٹی نیشنل کمپنی کی کولڈ ڈرنکس سپلائی کرنے

والے وئیر ہاؤس سیل کرتے ہوئے ڈیڑھ لیٹر والی 4ہزار،ہاف لیٹر والی3600 ایکسپائر بوتلیں برآمد کر لیں۔علاوہ ازیں کامونکی میں گورمے کولا کا وئیر ہاؤس سیل کرتے ہوئے 2ہزار لیٹرزائد المعیاد بوتلیں برآمد کر کے تلف کر دیں گئیں۔اس حوالے سے ڈائریکٹر آپریشنز رافیعہ حیدر کا کہنا تھا کہ مارکیٹ سے واپس آئی ایکسپائر بوتلوں سے تاریخ تنسیخ مٹا کر دوبارہ لگائی جا رہی تھی۔نئی تاریخ تنسیخ تبدیل کر کے بوتلیں آدھی قیمت پر دوکانداروں کوفروخت کی جاتی تھیں۔وئیر ہاؤسز کو سیل کر کے تمام ریکارڈ قبضے میں لے لیا گیا ہے اور خریداردوکانداروں کا سراغ بھی لگایا جا رہا ہے۔ ڈائریکٹر آپریشنزنے مزید کہا کہ عوام سے گذارش ہے کہ کولڈڈرنکس خریدتے وقت ایکسپائری ڈیٹ کا باریکی سے جائزہ لیں۔ کسی بھی قسم کی خرابی یا گڑ بڑ کی صورت میں پنجاب فوڈ اتھارٹی کو آگاہ کریں۔ مزید کاروائیوں میں عمر چوک ٹاؤن شپ میں غوثیہ چوک میں عمر بیکرز کو ناقص صفائی اور مضر صحت اجزاء کے استعمال پر سیل کر دیا گیا۔ٹاؤن شپ میں علی عمران فوڈز کو ظلط لیبلنگ اور ستوریج کے ناقص حالات پر سیل کر دیا گیا۔ گورمے بیکرز خیابان جناح کو فریرزر میں الی، بدبودار پانی کی موجودگی پر 17ہزار روپے جرمانہ، اے آئی ٹی ٹاؤن میں جیمن جاوا کیفے کو 8ہزار، جوہر ٹاؤن میں چائے پراٹھا کو 5ہزار، چلڈرن ہسپتال کے مین کیفے ٹیریاکو 10ہزار رپے جرمانہ کیا۔

موضوعات:پنجاب فوڈ اتھارٹی