ملتان(آئی این پی )ملتان کی ضلعی انتظامیہ نے شدید گرمی کے موسم میں آنے والے رمضان المبارک میں ائیر کنڈیشنڈ رمضان بازار قائم کرنے کا فیصلہ کرلیا،ذرائع کے مطابق ملتان میں تین ائیر کنڈیشنڈ رمضان بازار قائم کئے جائیں گے،ائیر کنڈیشنڈ بازار قلعہ کہنہ قاسم باغ،ممتاز آباد اور عید گاہ میں لگائے جائیں گے،ذرائع کے

مطابق رمضان المبارک میں لگنے والے رمضان بازار 80235400 فٹ کی مارکی میں لگائے جائیں گے،ملتان کی ضلعی انتظامیہ نے اس حوالے سے تیاریاں شروع کردی ہیں،یاد رہے کہ گزشتہ سال لاہور میں بھی ایئر کنڈیشنڈ رمضان بازار لگائے گئے تھے،جس کے بعد اب ملتان میں رمضان بازار لگانے کا فیصلہ کیا گیا ہے۔