اسلام آباد ( آئی این پی ) پیپلز پارٹی کے رہنما سینیٹر سعید غنی نے کہا ہے کہ کلبھوشن یادیو کو سول عدالت سے سزا دی جاتی تو بہتر ہوتا ، دنیا کے سامنے بھارت کا چہرہ بے نقاب کرنا ہو گا ، کرنل رینک کے کیس کو دنیا کے سامنے نہ لا سکنا ناکامی ہے۔پیر کو نجی ٹی وی سے گفتگو کر رہے تھے۔ انہوں نے کہا کہ کلبھوشن کے متعلق تمام شوائد قوم کو دکھانے چاہئیں۔ بہترہوتا کہ اگر کلبھوشن کو سزا سول عدالتوں کے ذریعے دی جاتی
تاکہ دنیا اس کی شفافیت کو تسلیم کرتی۔ فوجی عدالتوں کے طریقہ کار پر ہمیں اعتماد ہے تاہم دنیا کو بھی اعتماد میں دلانے کے لئے اقدامات کرنے چاہئیں۔ دو تہائی اکثریت ہونے کے باوجود (ن) لیگ کا کوئی وزیر خارجہ نہیں۔ کرنل رینک کے کیس کو دنیا کے سامنے نہ لا سکنا ناکامی ہے۔دنیا کے سامنے بھارت کا چہرہ بے نقاب کرنا ہو گا۔سعید غنی نے کہا کہ پیپلز پارٹی کے رہنمائوں کو کسی نے اغواء برائے تاوان کے لئے اغواء نہیں کیا۔
