کراچی ( این این آئی)پاکستان تحریک انصاف کے رکن قومی اسمبلی عارف علوی، اراکین سندھ اسمبلی خرم شیر زمان ،ثمر علی خان و دیگر کے خلاف کراچی میں مقدمہ درج کرلیا گیا ۔پی ٹی آئی کے اراکین اسمبلی کے خلاف

مقدمہ کلفٹن کنٹونمنٹ بورڈ کی درخواست پر ہنگامہ آرائی کی دفعات کے تحت تھانہ درخشاں میں درج کیا گیا ہے۔جبکہ تحریک انصاف نے مقدمے کو احتجاج کے خلاف حکومت کے اوچھے ہتھکنڈے قراردیتے ہوئے کہا ہے کہ پانی کی قلت پر آواز اٹھانا جرم نہیں، عوام کے حقوق کے لیے ان کی جدوجہد جاری رہے گی ۔