لاہور(آئی این پی) سعودی نجی کمپنی کے ملازمین کا ایک سال کی تنخواہ نہ ملنے پر غوث الاعظم روڈ پر احتجاج اور نعرے بازی‘حکومت سے معاملے کا نوٹس لینے اور ذمہ داروں سے تنخواہیں دلوانے کا مطالبہ کر دیا ۔ تفصیلات کے مطابق سعودی عرب کی ایک نجی کمپنی کے پنجاب بھر سے ملازمین ایک سال کی تنخواہ نہ ملنے پر غوث الاعظم روڈ پر سراپا احتجاج رہے ملازمین کا کہنا تھا کہ پہلے کمپنی سے نکال دیا گیا اور
سعودی حکومت کی جانب سے یقین دہانی کرائی گئی کہ تمام ملازمین کی زیر التوا تنخوائیں دو ماہ میں دی جائیں ہم کو صرف واپسی کی ٹکٹ ملی چھ ماہ ہونے کو ہیں اب تک تنخواہ نہیں دی گئی۔ ملازمین نے حکومت پاکستان سے مطالبہ کیاکہ وہ سعودی حکومت سے ان کی تنخواہوں کے معاملے پر بات کریں ورنہ احتجاج کا دائرہ کار مزید وسیع کر دیں گے۔مطالبہ کیاکہ سعود ی عرب میں کام کرنے والے پاکستانیو ں کے لئے حکومت اقدامات اٹھائے ۔
