اسلام آباد (آئی ا ین پی)وزیر اعظم کے معاون خصوصی ڈاکٹر آصف کرمانی نے کہا ہے کہ عمران خان کی شہ پر نعیم الحق نے پاکستان کی قومی سلامتی کے ادارے کے سابق سربراہ اور
دوست ممالک خصوصا ً برادر اسلامی ملک سعودی عرب کے بارے میں بے بنیاد اور بغیر ثبوت الزامات لگائے‘ پاکستان کا کوئی خیر خواہ ایسا بیان نہیں دے سکتا‘عمران خان نواز شریف دشمنی میں پاکستان دشمنی کے مرتکب ہو رہے ہیں۔ منگل کو اپنے بیان میں انہوں نے کہا کہ عمران خان کی شہ پر نعیم الحق نے پاکستان کی قومی سلامتی کے ادارے کے سابق سربراہ اور دوست ممالک خصوصاً برادر اسلامی ملک سعودی عرب کے بارے میں بے بنیاد اور بغیر ثبوت الزامات لگائے۔ انہوں نے کہا کہ پاکستان کا کوئی خیر خواہ ایسا بیان نہیں دے سکتا‘عمران خان نواز شریف دشمنی میں پاکستان دشمنی کے مرتکب ہو رہے ہیں۔ انہوں نے کہا کہ یہ بیان عوام کے ووٹوں کی توہین ہے۔ انہوں نے کہا کہ پی ٹی آئی جھوٹے الزامات لگانے والے سیاسی نابالغوں کا ٹولہ ے انہیں پاکستان کی عزت اور مفاد کی قطعاً کوئی پرواہ نہیں یہ اقتدار کی ہوس میں ڈوبے لوگ ہیں۔