اسلام آباد(آئی این پی )وزیراعظم محمد نوازشریف کے ترجمان ڈاکٹر مصدق ملک نے کہا ہے کہ میں نے آج تک اے ڈی خواجہ صاحب کی غلط شہرت نہیں سنی ،ہمارے سیاسی حریف پی ٹی آئی والے ہیں ،ہم نے کبھی ان کی مرضی کے خلاف کے پی کے میں آئی جی نہیں لگایا تو سندھ میں پیپلزپارٹی کی مرضی کے خلاف آئی جی کیسے تعینات کر سکتے ہیں ۔ پیر کو نجی ٹی وی پروگرام میں گفتگو کرتے ہوئے ڈاکٹر مصدق ملک نے کہا

وزیراعلیٰ خیبرپختونخوا نے آئی جی کیلئے تین نام وفاق کو بھیجے تھے ۔ وزیراعظم نے اسی نام کو چنا جس پر وزیراعلیٰ پرویز خٹک نے سب سے زیادہ اعتماد کا اظہار کیا تھا ۔ اگر ہمیں کسی صوبے کو کنٹرول کرنا ہوتا تو وہ کے پی کے ہوتا۔انہوں نے کہا کہ سندھ حکومت کی طرف سے تین نام سامنے آئے ان میں سے ایک شخص کی مدت ملازمت اگست میں ختم ہورہی ہے اس لئے کسی کو 2ماہ کے لئے تو تعینات نہیں کیا جا سکتا،