اسلام آباد(آئی این پی)پی ٹی آئی چیئر مین عمران خان کی سابقہ اہلیہ اور معروف اینکر پرسن ریحام خان اپنی سالگرہ پیر کوبنی گالہ میں منائیں گی۔تفصیلات کے مطابق معروف اینکر پرسن ریحام خان آج اپنی سالگرہ کے موقع پر بنی گالہ میں یتیم اور بے سہارہ بچوں کے لئے جدید سہولیات سے آراستہ سکول کا افتتاح کریں گیں اور بچوں کے ساتھ سالگرہ کا کیک کاٹیں گی،اس سکول میں ریحام خان فاونڈیشن( معشوم )کے تعاون سے
غریب بچوں کو مفت تعلیم فراہم کی جائے گی۔ اس موقع پر چیئرمین یونین کونسل بنی گالہ نمبردار جمیل کھوکھر کی جانب سے بھی محترمہ ریحام خان کی سالگرہ پر شاندار استقبالہ کا اہتمام کیا گیا ہے جس میں اہلیان بنی گالہ کی بڑی تعداد موجود ہوگی ۔ ریحام خان اس موقع پر حاضرین سے خطاب بھی کریں گی جس میں اہم اعلان متوقع ہے، ریحام خان بچوں میں اپنی فلاحی تنظم معشوم کے پلیٹ فارم کے سے تحائف بھی تقسیم کریں گی۔
