سکھر (آئی این پی) چیئرمین سینٹ میاں رضا ربانی نے کہا ہے کہ ذوالفقار علی بھٹو  کی پھانسی سے متعلق ریفرنس سپریم کورٹ میں موجود  ہے‘ سپریم کورٹ کو ریفرنس پر از خود نوٹس لے کر فیصلہ کرنا چاہئے‘ شہید ذوالفقار  بھٹو کے خلاف بین الاقوامی سازش  ہوئی‘ امریکہ کو پاکستان کا ایٹمی طاقت بننا اور مسلم ممالک کو اکٹھا کرنا برداشت نہیں ہوا‘ پانامہ کیس سپریم کورٹ میں  ہے دیکھیں کیا فیصلہ آتا ہے۔ اتوار کو سکھر میں میڈیا سے گفتگو کرتے ہوئے

میاں رضا ربانی نے کہا کہ  12مارچ 2018 کے بعد ہر سیاسی سوال کا جواب دوں گا۔  پانامہ کیس سپریم کورٹ میں ہے دیکھیں کیا فیصلہ آتا ہے۔ ذوالفقار بھٹو کی پھانسی سے متعلق ریفرنس سپریم کورٹ میں پڑا ہے۔ سپریم کورٹ ریفرنس پر از خود کارروائی کرے۔  انہوں نے کہا کہ امریکہ کو پاکستان کا ایٹمی طاقت بننا برداشت نہیں ہوا۔ مسلم ممالک کو اکٹھا کرنا بھی امریکہ کو برداشت نہیں ہوا۔ شہید ذوالفقار بھٹو کے خلاف بین الاقوامی سازش ہوئی۔

موضوعات:میاں رضا ربانی