لاہور(آن لائن) پنجاب حکومت کے جاری شدہ نوٹیفیکیشن کے مطابق پیر کے روز سے کیپیٹل سٹی پولیس اور سینٹرل پولیس آفس میں تمام پولیس افسران اور اہلکار نئی یونیفارم پہنیں گے۔ کیپیٹل سٹی پولیس کو 32 ہزار یونیفارم تقسیم کئے جا چکے ہیں۔ نئی یونیفارم کی دوسری کھیپ قلعہ گجر سنگھ پولیس لائنز میں پہنچا دی گئی
ہے۔ہیڈ کوارٹر سے فی پولیس ملازم دو یونیفارم حاصل کر سکتا ہے۔ واضح رہے کہ پنجاب پولیس نے نئی یونیفارم 27 مارچ کو تبدیل کرنی تھی لیکن کچھ وجوہات کی بنیاد اس میں تاخیر ہو گئی۔ اب پنجاب پولیس نے نئی وردی کا معاملہ حل کر لیا ہے۔وردی تبدیل کرنے کافیصلہ پولیس نظام میں تبدیلی کی وجہ سے کیاگیاہے ۔
