لاہور/ گجرات(آئی این پی ) کاؤنٹر ٹیررازم ڈیپارٹمنٹ (سی ٹی ڈی) نے گجرات کے نواحی علاقے کنجاہ میں کارروائی کرتے ہوئے گھر میں چھپے 5 دہشت گردوں کو ہلاک جبکہ تین فرار ہوگئے ۔ گزشتہ روزسی ٹی ڈی نے گجرات کے نواحی گاؤں کنجاہ میں دہشت گردوں کی موجودگی کی اطلاعات پر ایک گھر کا محاصرہ کیا تو اس دوران دہشت گردوں نے فائرنگ شروع کردی جب کہ جوابی کارروائی کے دوران 5 دہشت گرد ہلاک اور 2
فرار ہوگئے۔ حکام کے مطابق ہلاک دہشت گردوں کا تعلق کالعدم تنظیم سے ہے جو کنجاہ گاؤں کے ایک گھر میں پناہ لئے ہوئے تھے جب کہ دہشت گردوں کے قبضے سے دستی بم، بارودی مواد، کلاشنکوفیں اور دیگر سامان برآمد ہوا ہے۔ ہلاک دہشت گردوں کا تعلق کالعدم تحریک طالبان اور القائدہ سے ہے۔ہلاک دہشت گرد گجرات اور کھاریاں میں اہم مقامات کو نشانہ بنانا چاہتے تھے ۔سیکیورٹی فورسزکاآپریشن ابھی تک جاری ہے ۔
