اسلام آباد(مانیٹرنگ ڈیسک) پنجاب پولیس کی روایتی کالی وردی ختم ،نئی خاکی وردی جاری کر دی گئی۔ تفصیلات کے مطابق پنجاب پولیس کی روایتی کالی وردی ختم کرتے ہوئے نئی وردیاں اہلکاروں کو دے دی گئی ہیں۔ یوم پاکستان پرپنجاب پولیس کا دستہ نئی وردی پہن کرپریڈ میں شریک ہوگا۔ پولیس لائن میں 4 ہزاراہلکاروں میں نئی وردیاں تقسیم کر دی گئی ہیں

جبکہ تمام پولیس اہلکاروں کو کل 23 مارچ تک نیا یونیفارم مل جائے گا۔ نئی وردیوں پر پولیس اہلکاروں نے خوشی کا اظہار کرتے ہوئےاسے خوشگوار تبدیلی قرار دیا ہے ، پولیس اہلکاروں کا کہنا ہے کہ پرانی وردی میں موسم گرما میں کالے رنگ کے باعث گرمی کا احساس زیادہ ہوتاتھاجبکہ نئی وردی موسم گرما کی شدت کو مد نظـر رکھ کر ڈیزائن کی گئی ہے۔