اسلام آباد (نیوز ڈیسک) ملک بھر میں سونے کی قیمت میں ایک بار پھر اضافہ ریکارڈ کیا گیا ہے،

جس کے بعد فی تولہ سونا 400 روپے مہنگا ہوگیا۔

آل پاکستان صرافہ جیمز اینڈ جیولرز ایسوسی ایشن کے جاری کردہ اعداد و شمار کے مطابق 400 روپے اضافے کے بعد فی تولہ سونے کی قیمت 4 لاکھ 57 ہزار 136 روپے تک پہنچ گئی ہے۔

دوسری جانب 10 گرام سونے کی قیمت میں بھی 343 روپے کا اضافہ ہوا، جس کے بعد اس کی نئی قیمت 3 لاکھ 91 ہزار 920 روپے ہوگئی ہے۔

ایسوسی ایشن کے مطابق عالمی مارکیٹ میں بھی سونے کی قیمت میں اضافہ دیکھا گیا، جہاں فی اونس قیمت 4 ڈالر بڑھ کر 4 ہزار 346 ڈالر ہوگئی۔