اسلام آباد (آئی این پی) سابق سفیر حسین حقانی کے ایبٹ آباد آپریشن سے متعلق بیان کے معاملے پر مسلم لیگ ن کے رہنما ظفر علی شاہ نے سپریم کورٹ میں درخواست دائر کردی ۔درخواست میں استدعا کی گئی ہے کہ حسین حقانی کو بیرون ملک سے لانے کے احکامات دیئے جائیں اور آصف علی زرداری ‘ یوسف رضا گیلانی اور حسین حقانی کے خلاف مقدمہ چلایا جائے۔ بدھ کو مسلم لیگ ن کے رہنما ظفر علی شاہ نے حسین حقانی کے
ایبٹ آباد آپریشن سے متعلق بیان کے معاملے پر سپریم کورٹ میں درخواست دائر کردی۔ درخواست میں استدعا کی گئی ہے کہ آصف زرداری‘ یوسف رضا گیلانی اور حسین حقانی کے خلاف مقدمہ چلایاجائے حسین حقانی نے اپنے بیان میں سہولت کار کا کردار ادا کرنے کا اعتراف کیا آصف زرداری اور یوسف رضا گیلانی بھی اس عمل میں شامل تھے درخواست میں کہا گیا ہے کہ آصف زرداری اور یوسف گیلانی کا نام ای سی ایل میں شامل کیا جائے
