راولپنڈی(این این آئی)پنجاب کے مختلف شہروں اور وفاقی دارالحکومت اسلام آباد میں رینجرز ، پولیس اور انٹیلی جنس ایجنسیوں کے مشترکہ سرچ آپریشنز میں تین افغان باشندوں سمیت 33 مشتبہ افراد کو حراست میں لے لیا گیا جبکہ اسلحہ اور دھماکہ خیز مواد بھی برآمد کر لیا گیا۔آئی ایس پی آر کے مطابق پنجاب رینجرز،
پولیس اور انٹیلی جنس ایجنسیوں کی طرف سے ڈیرہ غازی خان، لاہور ، راولپنڈی ، اسلام آباد، ناروال ، شکر گڑھ اور راجن پور مشترکہ سرچ آپریشنز کئے گئے اس دوران 33 مشتبہ افراد کو حراست میں لیا گیا جن میں تین افغان باشندے بھی شامل ہیں ۔ آپریشنز میں مختلف ہتھیار اور دھماکہ خیز مواد بھی برآمد کئے گئے ۔
