اسلام آباد(مانیٹرنگ ڈیسک)وفاقی دارالحکومت میں سملی ڈیم کے قریب جنگل سے جواں سال لڑکی کی لاش برآمد ہوئی ہے۔ پولیس نےواقعہ پرقتل کا شبہ ظاہر کیاہے۔ایک نجی ٹی وی کے مطابق جنگل میں درختوں پر اٹکی جوان لڑکی کی لاش نے علاقے میں کھلبلی مچادی۔
یہ واقعہ قتل کا تھا یاخودکشی یا کچھ اور، پولیس نے جائے وقوعہ دیکھ کرتفتیش شروع کردی ہے۔سترہ سالہ لڑکی کی لاش اسلام آباد میں سملی ڈیم کے قریب واقع جنگل سے ملی۔ پولیس کے مطابق لڑکی کے جسم پر بظاہر تشدد کا کوئی نشان نہیں۔ شبہ ہے کہ اسے قتل کرنے کے بعد پہاڑی سےدھکا دیا گیاہو۔پولیس کے مطابق مقامی افراد نے بھی گزشتہ روز کچھ انجان لوگوں کو اس علاقے میں گھومتے ہوئے دیکھا تھا۔ لڑکی کی لاش پوسٹ مارٹم کے لیے پمز اسپتال منتقل کردی گئی ہے
