ہفتہ‬‮ ، 26 اپریل‬‮ 2025 

حویلیاں طیارہ حادثہ۔۔پی آئی اے کے عملے کے اراکین کی قبر کشائی ہوگی یا نہیں؟ اہم فیصلہ

datetime 18  جنوری‬‮  2017
ہمارا واٹس ایپ چینل جوائن کریں

اسلام آباد(مانیٹرنگ ڈیسک) فرانزک ماہرین، پولیس، ضلعی انتظامیہ کے افسران اور پاکستان انسٹی ٹیوٹ آف میڈیکل سائنسز (پمز) کے نمائندوں نے ایک اجلاس کے دوران کہا کہ حویلیاں میں حادثے کا شکار ہونے والی پی آئی کی پرواز پی کے 661 کے عملے کی قبر کشائی کی کوئی ضرورت نہیں۔
یاد رہے کہ گذشتہ ماہ 7 دسمبر کو پاکستان انٹرنیشنل ایئرلائنز (پی آئی اے) کی چترال سے اسلام آباد آنے والی پرواز حویلیاں کے مقام پر گر کر تباہ ہوگئی تھی، جس کے نتیجے میں عملے سمیت 48 افراد جاں بحق ہوگئے تھے۔پمز میں ہونے والے اجلاس کے دوران اس بات کا فیصلہ کیا گیا کہ صرف پائلٹ اور کو پائلٹ کی لاشوں کے نمونے فرانزک ٹیسٹ کے لیے بھیجے جائیں گے تاکہ کسی قسم کی نشہ آور ادویات کے استعمال ہونے یا نہ ہونے کا تعین کیا جاسکے۔یہ نمونے حویلیاں پولیس کے حوالے کیے جائیں گے کیونکہ حادثے کی ایف آئی آر وہاں درج کی گئی تھی۔
یاد رہے کہ رواں ماہ 16 جنوری کو ڈسٹرکٹ ہیلتھ آفیسر (ڈی ایچ او) ڈاکٹر نجیب درانی کی جانب سے پمز انتظامیہ کو موصول ہونے والے ایک خط میں طیارے کے عملے کی لاشوں کے پوسٹ مارٹم کی تجویز دی گئی تھی۔ڈاکٹر نجیب درانی کا کہنا تھا کہ پمز ہسپتال کو بھیجا جانے والا خط اسٹینڈرڈ آپریٹنگ کے طریقہ کار کا حصہ ہے جسے تمام طیارہ حادثوں میں استعمال کیا جاتا ہے.تاہم پمز انتظامیہ کا کہنا تھا کہ قبرکشائی کی ہدایات جاری کرنے کا اختیار صرف ڈپٹی کمشنر کو حاصل ہے۔منگل 17 جنوری کو اسلام آباد کے ڈپٹی کمشنر مشتاق احمد نے پمز انتظامیہ کو لکھے گئے خط میں اس بات کی تجویز دی کہ نشہ آور ادویات کے استعمال کے حوالے سے جہاز کے عملے کی لاشوں کا پوسٹ مارٹم تحقیقاتی بورڈ کی ضرورت کے مطابق کیا جانا چاہئے۔

موضوعات:



کالم



پانی‘ پانی اور پانی


انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…