لاہور( این این آئی) جمعیت علمائے اسلام (ف) کے سربراہ مولانا فضل الرحمان کے پتے کا کامیاب آپریشن ہوگیا ، مولانا فضل الرحمان کی طبیعت نومبر میں بھی خراب ہوگئی تھی اور وہ کئی روز ہسپتال میں داخل رہے تھے۔تفصیلات کے مطابق جے یو آئی (ف) کے سربراہ مولانا فضل الرحمان کو پتے میں تکلیف اور شوگر کے باعث ہسپتال منتقل کیا گیا جہاں ڈاکٹروں نے انہیں پتے کے آپریشن کا مشورہ دیا۔جے یو آئی (ر) کے رہنما اکرم درانی نے مولانا کی ناسازی طبیعت کی تصدیق کرتے ہوئے بتایا ہے کہ مولانا فضل الرحمان کو پتے میں تکلیف کے باعث لاہور کے نجی اسپتال میں داخل کرایا گیا تھا جہاں مولانا فضل الرحمان کے پتے کا آپریشن کردیا گیا ہے اور اب وہ روبصحت ہیں۔واضح رہے کہ مولانا فضل الرحمان کی طبیعت نومبر میں بھی خراب ہوگئی تھی اور وہ کئی روز ہسپتال میں داخل رہے تھے۔