کراچی (آئی این پی )پی ٹی آئی کے مرکزی رہنما کی طبیعت اچانک خراب ، ہسپتال منتقل ۔ پاکستان تحریک انصاف کے سینئر رہنما اسد عمر کی طبیت دوران سفر اچانک خراب ہو گئی۔ وہ اسلام آباد سے کراچی آ رہے تھے۔ پی ٹی آئی ترجمان کے مطابق سینئر رہنما اسد عمر اسلام آباد میں پانامہ کے حوالے سے پارٹی اجلاس کے بعد پرواز پی کے 319 کے ذریعے کراچی جارہے تھے کہ اچانک ان کی طبیعت خراب ہو گئی جس کی اطلاع پائلٹ نے کنٹرول ٹاور کو دی۔ اسد عمر جب کراچی ائیرپورٹ پہنچے تو ان کا طبی معائنہ سول ایوی ایشن کے ڈاکٹرز نے کیا جس کے بعد انہیں کراچی کے نجی اسپتال منتقل کر دیا گیا۔