کراچی (مانیٹرنگ ڈیسک) شہرقائد میں 2گھنٹے میں دہشتگردی کے3 واقعات میں 3افراد جاں بحق جبکہ 2زخمی ہوگئے ۔کراچی میں ریسکیوذرائع کے مطابق گلستان کے علاقے جوہرلال فلیٹ کے قریب نامعلوم افراد کی فائرنگ سے سب انسپکٹرپولیس جاں بحق جبکہ دوشہری شدید زخمی ہوگئے  ۔جمشید روڈپرنامعلوم افراد نے فائرنگ کرکے ایک شخص کوقتل کردیااورملزمان جائے وقوعہ سے فرارہوگئے جبکہ گورنگی میں فائرنگ سے ایک شخص کوگولیاں مارکرقتل کر دیاگیا۔وزیراعلی سندھ سید مراد علی شاہ نے سب انسپکٹراقبال محمود کے قتل کانوٹس لیتے ہوئے آئی جی سند ھ کوفون کرکے واقعے کی تحقیقات کاحکم جاری کیاہے ۔وزیراعلی سند ھ کاکہناہے کہ پولیس افسرکاقتل کوئی معمولی واقعہ نہیں ہے اس کےلئے سپیشل ٹیم تشکیل دیکرقاتلوں کوفوری گرفتارکیاجائے ۔