اسلام آباد (آئی این پی )سپریم کورٹ نے عدالتی احاطے میں تحریک انصاف کے رہنما فواد چوہدری کی تقریر پر تشویش کا اظہار کیا ،سپریم کورٹ کے جسٹس آصف سعید کھوسہ نے کہا ہے کہ عدالت کے احاط کو سیاسی اکھاڑا نہ بنا یا جائے۔ نجی ٹی وی کے مطابق پانا ما لیکس کیس کی سماعت کے دوران عدالت عظمیٰ نے حکمنامہ جاری کرتے ہوئے کہا کہ فریقین میڈ یا کے سامنے کیس پر گفتگو نہ کریں لیکن اس کے باوجود تحریک انصاف کے رہنما فواد چوہدری نے عدالتی احاطے میں سماعت سے متعلق میڈ یا سے گفتگو کی جس پر سپریم کورٹ نے تشویش کا اظہار کیا۔اس موقع پر جسٹس آصف سعید کھوسہ نے کہا کہ عدالت کے احاطے کو سیاسی اکھاڑا نہ بنا یا جائے اور گفتگو میں اچھے الفاظ کا چناؤکیا جائے۔انہوں نے مزید کہا کہ عدالتی احاطے میں میڈ یا سے گفتگو نہ کی جائے۔

موضوعات:فواد چوہدری