اسلام آباد (مانیٹرنگ ڈیسک)پاکستان تحریک انصاف کے سربراہ عمران خان نے توہین رسالت کا فتویٰ آنے کے بعد معافی مانگ لی۔
پی ٹی آئی کے چیرمین عمران خان نے منگل کے روزاسلام آبادمیں پریس کانفرنس کرتے ہوئے کہاکہ جو کلمہ گو ہوتا ہے وہ کبھی سوچ بھی نہیں سکتا کہ نبی کریم آخری پیغمبر ، اللہ کے حبیب اُن کی شان میں کسی قسم کی گستاخی کر سکے اور ایسا وہ جان بوجھ کر کرے۔
انہوں نے اس موقع پراعلان کیاکہ مجھ سے غلطی ہوئی اورآئند ہ ایساکبھی نہیں ہوگا۔واضح رہے کہ مفتی پیر افضل قادری نے عمران خان پر توہین رسالت کا الزام عائد کرتے ہوئے معافی مانگنے اور توبہ کرنے کا مطالبہ کیا تھا۔
