اسلام آباد (مانیٹرنگ ڈیسک) لاہور اور گردونواح میں بونداباندی شروع ہو گئی ہے جس کی وجہ سے سردی میں بھی اضافہ دیکھنے میں آرہا ہے ۔ اسلام آباد ،راولپنڈی اورملحقہ علاقوں میں بھی بوندا باندی پشاور ،لوئر دیر اور گردونواح میں بارش ہو رہی ہے جبکہ مری میں ہلکی برفباری شروع ہو چکی ہے ۔چترال،استور،لواری ٹاپ، ہری پور،سوات،مٹھہ اور دیگر بلائی علاقوں میں بھی بارش سے سردی میں اضافہ ہو گیا ہے۔یہ موسم سرما کی پہلی بارش ہے اس سے پہلے بارش نہ ہونے کی وجہ سے وبائی امراض میں اضافہ ہو رہا تھا اور خشک سالی کی وجہ سے پھلوں اور سبزیوں کی پیداوار میں نمایاں کمی واقع ہوئی ہے۔