اسلام آباد(مانیٹرنگ ڈیسک)پاکستان مسلم لیگ(ن) کے رہنماسینیٹرمشاہد اللہ خان نے کہاہے کہ مخدوم جاوید ہاشمی ایک قابل بھروسہ آدمی ہیں ۔

ایک نجی ٹی وی کے پروگرا م میں گفتگوکرتے ہوئے مشاہد اللہ خان نے کہاکہ جاوید ہاشمی پرماضی میں بھی جھوٹ بولنے کے کوئی الزامات نہیں ہیں ۔انہوں نے کہاکہ ماضی میں تحریک انصاف کے سربراہ عمران خان جھوٹ بولتے رہے ہیں ۔انہوں نے کہاکہ دیکھناہوگاکہ ماضی میں کون جھوٹ بولتارہاہے ۔

مشاہداللہ خان نے کہاکہ عمران خان نے 35پنکچرزسے لے بے نامی کمپنیوں تک جھوٹ بولاہے ۔انہوں نے کہاکہ جمہوریت پنپ رہی ہے اورابھی پارلیمانی نظام مضبوط نہیں ہوا ۔انہوں نے کہاکہ جمہوریت میں سول حکمرانوں کے حق حکمرانی کوتسلیم کیاجاتاہے لیکن پاکستان میں یہ ابھی تک مکمل طورپرنہیں ہوسکاہے ۔انہوں نے کہاکہ مقاصدکے حصول کےلئے قربانیاں دی جاتی ہیں ۔

مشاہداللہ خان نے کہاکہ میری اورسینیٹرپرویزرشید کی قربانی دی گئی تواس قربانی کے پیچھے کسی کادبائوتوضرورہوگا۔انہوں نے کہاکہ مجھے نہیں معلوم کہ کس کادبائو تھا؟۔مشاہداللہ خان نے کہاکہ دھرنے کے پیچھے ایک یادونہیں بلکہ سات امپائرہونگے اوران کی تعداد زیادہ بھی ہوسکتی ہے ۔

موضوعات:پرویزرشید تحریک انصاف جاوید ہاشمی مشاہد اللہ خان