اسلام آباد(این این آئی)حویلیاں کے قریب 7 دسمبر 2016ء کو حادثے کا شکار ہونے والے پی آئی اے کے طیارے کی اہم دستاویزات میڈیا نے حاصل کرلیں ۔ نجی ٹی وی کے مطابق دستاویزات میں کہاگیا کہ جہاز انجن فیل ہونے سے قبل ساڑھے 13 ہزار بلندی پر تھا ٗ پائلٹ نے 4 بج کر 9 منٹ پر کنٹرول ٹاور کو بتایا کہ بائیں انجن پی ڈبلیو 127 میں خرابی ہے ٗدستاویزات کے مطابق متاثرہ جہاز کے پائلٹ اور کنٹرول ٹاور کے درمیان 6 منٹ تک گفتگو ہوتی رہی۔

انجن خراب ہونے سے طیارہ نے پہلے تین اور پھر پانچ ہزار فٹ کا غوطہ لگایا جس سے بلندی 13 ہزار فٹ سے کم ہو کر 8 ہزار فٹ پر آ گئی۔ دستاویزات کے مطابق بد قسمت طیارے کا 6 ہزار 950 فٹ کی بلندی پر کنٹرول ٹاور سے رابطہ ختم ہوا اور شام چار بج کر پندرہ منٹ پر ریڈار سے بھی غائب ہو گیا۔

موضوعات:اے ٹی آر طیارہ پی آئی اے