لاہور (آن لائن) پی آئی اے کے اے ٹی آر ایس طیارے گراؤنڈ کئے جانے اور اے 310 طیارہ کے رواں ماہ کے آخر تک ریٹائر کئے جانے کی توقع کے باعث ایئرلائن کا بحران مزید بدترین ہونے کا امکان پیدا ہو گیا۔ میڈیا رپورٹ کے مطابق ذرائع نے بتایا کہ مینجمنٹ کے فیصلے کے مطابق پی آئی اے کا اے 310 طیارہ بھی 31 دسمبر تک ریٹائرڈ کر دیا جائے گا۔ رپورٹ کے مطابق ذرائع کا کہنا ہے کہ اے ٹی آر ایس کے گراؤنڈ کئے جانے کے بعد تجویز دی گئی تھی کہ پی آئی اے کا آپریشنل فیس برقرار رکھنے کے لئے اے 310 ایس کی پرواز جاری رکھی جائے تاہم مینجمنٹ نے اس تجویز کو مسترد کر دیا۔
اے 310 ایس بیجنگ ، ٹوکیو ، کوالالمپور اور سعودی عرب سمیت مختلف بین الاقوامی راستوں پر آپریشنل ہیں رپورٹ کے مطابق پی آئی اے ریٹائر کئے جانے والے اے 310 ایس کی جگہ آئندہ چند ہفتوں میں عالمی منڈی سے خشک یا تر لیز کمپنیوں سے متبادل کے حصول کے لئے پرامید ہیں رپورٹ کے مطابق ذرائع کا کہنا ہے کہ عالمی کمپنیاں پی آئی اے لیزنگ منصوبے کو سراہا رہی ہیں ذرائع کا مزید کہنا ہے کہ پی آئی اے اس سلسلے میں شرائط و ضوابط پر بھی غور کر رہی ہے۔