ؒلاہور( این این آئی)سٹی ٹریفک پولیس نے غلط پارکنگ پر جرمانے میں اضافے کیلئے سمری وزیر اعلیٰ پنجاب کو ارسال کر دی، نو پارکنگ ایریا میں کھڑی گاڑیوں کو ہٹانے کیلئے پرائیویٹ کمپنی سے لفٹر لینے کا فیصلہ کر لیا گیا۔ بتایا گیا ہے کہ سٹی ٹریفک پولیس نے غلط پارکنگ میں کھڑی گاڑیوں کو لفٹر کے ذریعے اٹھانے پر جرمانہ 200روپے سے بڑھا کر 400روپے کرنے کا فیصلہ کرتے ہوئے سمری وزیر اعلیٰ پنجاب کوا رسال کر دی ہے ۔ اسی طرح نو پارکنگ ایریا میں کھڑی گاڑیوں کو ہٹانے کے لئے پرائیویٹ کمپنی سے لفٹر لینے کا فیصلہ کیا گیا ہے۔ یاد رہے کہ سٹی ٹریفک پولیس کی طرف سے گزشتہ دنوں بھی ٹریفک قوانین کی خلاف وزری پر اضافے کی سمری وزیر اعلیٰ کو ارسال کی گئی تھی۔

موضوعات:ٹریفک چالان