لاہور(مانیٹرنگ ڈیسک) صوبائی دارلحکومت کے پوش علاقے ڈیفنس بی میں موجود نجی یونیورسٹی کے ہوسٹل سے لاش برآمد ہوئی ہے جس کی شناخت کراچی کے شاہ میرآصف باجوہ کے نام سے ہوئی ہے جس کی تصدیق یونیورسٹی انتظامیہ نے بھی کردی۔

ایک نجی ٹی وی کے مطابق یونیورسٹی انتظامیہ نے دعویٰ کیا ہے کہ میرآصف دل کا مریض تھا جبکہ مرحوم کے دوستوں نے انکشاف کیاکہ میرآصف منشیات کا عادی تھا ۔ میرآصف باجوہ لاہور یونیورسٹی آف منیجمنٹ سائنسز (لمز) میں بی ایس سی آنرز پانچویں سمسٹر کا طالبعلم تھا۔

ایس پی کینٹ طاہر رحمان نےکہاہے کہ میرآصف کی موت دل کا دورہ پڑنے سے ہوئی یا منشیات کی زیادتی سے ، پوسٹمارٹم رپورٹ میں موت کی وجہ سامنے آجائے گی ، پولیس نے شواہد بھی اکٹھے کرلئے ہیں۔ پیرکے روز شاہ میر اپنے کمرے میں بے حس و حرکت پایاگیا جس پر اسے ڈیفنس کے ہی ایک نجی ہسپتال منتقل کیاگیاجہاں ڈاکٹروں نے اس کی موت کی تصدیق کردی۔

موضوعات:طالب علم لمزیونیورسٹی منشیات