اسلام آباد(مانیٹرنگ ڈیسک) نجی ٹی وی چینل 24 نیوز کے پروگرام میں گفتگو کرتے ہوئے اینکر پرسن مبشر لقمان نے کہا ہے کہ میں چینل 24 کی انتظامیہ کی جانب سے ایک چیز پر معذرت خواہ ہوں اور وہ یہ ہے کہ گزشتہ روز ہمارے خبروں کے وقت پر ایک آڈیو چلا دی گئی تھی جو کہ نہیں چلانی چاہئے تھی۔
24 چینل کی انتظامیہ کا کہنا ہے کہ یہ ایک انسانی غلطی ہے جو غیر دانستہ طور پر سرزد ہو گئی ہے۔ اس سلسلے میں ذمہ داروں کیخلاف کارروائی بھی کی گئی ہے اور ہمیں شو کاز نوٹس بھی دیا گیا ہے جس پر ہم معذرت خواہ ہیں ، اگر کسی کی دل آزاری ہوئی ہو تو ہمیں معاف کر دیں۔
واضح رہے کہ مذکورہ نجی ٹی وی چینل کی جانب سے طیارے حادثے کے حوالے سے ایک ایسی وڈیو چلائی گئی تھی جو پی آئی اے کے اے ٹی آر طیارے کی نہیں تھی۔

Mubashir Luqman Made Apology For The Fake Audio… by zemtv