اسلام آباد(مانیٹرنگ ڈیسک) صوبائی وزیر خبیر پختونخوا علی امین گنڈا پور کی شراب برآمدگی کیس میںسیشن جج نے ایک لاکھ روپے کے مچلکوں کے عوض ضمانت منظور کرلی۔ایک نجی ٹی وی کے مطابق شراب برآمدگی کیس میں علی امین گنڈا پور سیشن جج سہیل اکرام کی عدالت میں پیش ہوئے۔

فاضل جج نے پولیس سے استفسار کیا کہ ملزم کے خلاف منصوبہ بندی کی دفعات لگائی گئی ہیں، جو لیڈر خود بھاگ رہا تھا وہ کیا منصوبہ بندی کرے گا،پولیس حکام نے بتایا کہ بوتل میں شراب ہی برآمد ہوئی تھی، رپورٹ عدالت میں جمع کرا دی ہے ۔عدالت کے استفسار پر وکیل صفائی نے بتایا کہ کہ بڑی تعداد میں گرفتاریاں ہورہی تھیں، گرفتاری سے بچنے کیلئے وہاں سے بھاگنے میں ہی عافیت سمجھی۔عدالت نے دلائل سننے کے بعد علی امین گنڈا پور کی 1 لاکھ روپے کے مچلکوں کے عوض ضمانت منظور کرلی۔