اسلام آباد(نیوزڈیسک)پی آئی اے طیارہ حادثہ۔۔۔۔حادثے سے پہلے ایک منٹ کی مبینہ آڈیو سوشل میڈیا پر وائرل۔ آڈیو میں سنا جا سکتا ہے کہ طیارے میں قیامت کا سما ہے اور لوگ اللہ اکبر پڑھ رہے ہیں جبکہ بچوں اور عورتوں کی چیخنے کی آوازیں صاف سنائی دے رہی ہیں۔جبکہ پی آئی اے کے چترال سے اسلام آباد آتے ہوئے گر کرتباہ ہونے والے طیارے کے پائلٹ کی جانب سے کنٹرول ٹاور کو بھیجے جانے والے آخری پیغام کی بھی تفصیلات سامنے آگئیں۔

بدھ کو سول ایوی ایشن ذرائع کا کہنا ہے کہ طیارے کے ساتھ آخری رابطہ حویلیاں کے قریب ہوا جس دوران پائلٹ کی جانب سے’’مے ڈے‘‘ کال دی گئی اور پیغام بھیجا گیا کہ طیارے کے نجن میں خرابی پیدا ہوئی ہے۔ماہرین کے مطابق کسی بھی طیارے کے پائلٹ کی جانب سے ’’مے ڈے‘‘ کال دینے کا مطلب ہوتا ہے کہ طیارہ انتہائی سنگین صورتحال سے دوچار ہے۔ ذرائع کے مطابق کنٹرول ٹاور کو پائلٹ کا پیغام ملنے کے کچھ ہی دیر بعد طیارے سے رابطہ منقطع ہو گیا اور ریڈار سے بھی غائب ہو گیا۔چترال سے اسلام آباد آنے والے پی کے 661 کو کیپٹن صالح یار جنجوعہ اور کو پائلٹ احمد جنجوعہ آپریٹ کر رہے تھے جبکہ ایک ٹرینی پائلٹ بھی سوار تھے۔‎