اسلام آباد (مانیٹرنگ ڈیسک) کہا جاتا ہے کہ تجربہ ایسی چیز ہے کہ جب انسان میں آتا ہے تو اس میں نکھار پیداکرتاہے اور زندگی کو کامیاب بنا دیتا ہے۔ بڑوں کی نصیحتیں ہمیشہ چھوٹوں کیلئے مشعل راہ ہوتی ہیں ۔اسی حوالے سے نجی ٹی وی چینل پر پی ٹی آئی کے رہنما اور معروف وکیل نعیم بخاری کا کہاناتھا کہ میں اپنےبچوں کو بھی یہی کہتا ہوں اور یہی بات اپنی قوم کے بچوں سے بھی کرنا چاہوں گا کہ زندگی میں سیکنڈ اور تھرڈ ڈویژن کی جگہ موجود نہیں ہے ۔یہاں سب بس اسی کو پوچھتےہیں جو زندگی کیساتھ ساتھ ہر معاملے میں اول نمبر پر ہو۔ انہوں نے کہا کہ اگر آپ تعلیمی میدان میں زرا پیچھے ہیں اور آپ سمجھتے ہیں کہ آپ اس میدان میں زیادہ آگے نہیں بڑھ سکتے تو بس ایک کام کریں کہ کوئی ہنر سیکھ لیں اور اسی میں کاملیت پیدا کریں تو میرا دعویٰ ہے کہ آپ بھوکے نہیں رہیں گے ۔انہوں نے کہا کہ یہ بات تو نبی کریم ﷺ بھی ہمیں بتا چکے ہیں کہ محنت کرنے والا اللہ کا دوست ہوتاہے مگر مجموعی طور پر ہم محنت اور غور فکر سے بالکل ہٹ چکے ہیں اور یہی ہماری تنزلی کی اصل وجہ بھی ہے
ان کا کہنا تھا کہ آج کے طالب علم جو ایم بی اے کی ڈگریوں پر فخر کرتے ہیں وہ یہ سن لیں کہ میں ایک پروگرام کرتا تھا اور میں نے اس پروگرام میں آنے والے خطوں کا جواب دینے کیلئے 4لڑکوں کو رکھا ہوا تھا جو ایم بی اے کی ڈگری رکھتے تھے مگر ان کی ڈگری کیونکہ تھرڈ ڈویژن تھی تو انہیں کوئی پوچھتا بھی نہیں تھا اور میں نے انہیں چند ہزار روپوں کےعوض ملازمت پر رکھا ہوا تھا ۔
