لاہور(آئی این پی )ترک صدر رجب طیب اردگان اپنا دوروزہ دورہ مکمل کرنے کے بعد وطن واپس روانہ ہوگئے ،وزیراعظم محمد نوازشریف، وزیراعلیٰ پنجاب میاں شہباز شریف ،بیگم کلثوم نوازسمیت دیگر اعلیٰ حکام نے معزز مہمان کو رخصت کیا۔ جمعرات کو ترک صدر رجب طیب اردگان لاہور کے شاہی قلعہ میں عشائیے کی تقریب میں شرکت کے بعد اپنا دوروزہ دورہ مکمل کر کے وطن واپس روانہ ہوگئے۔ ،وزیراعظم محمد نوازشریف، وزیراعلیٰ پنجاب میاں شہباز شریف ،بیگم کلثوم نوازسمیت دیگر اعلیٰ حکام نے معزز مہمان کو رخصت کیا۔واضح رہے کہ ترک صدر اپنی اہلیہ کے ہمراہ بدھ کو اسلام آباد پہنچے تھے ،ا ن کے ساتھ چیف آف جنرل سٹاف اور دیگر حکام بھی موجود تھے۔ انہوں نے اپنے دو روزہ دورے میں صدر ممنون حسین اور وزیراعظم نوازشریف سمیت دیگر اعلیٰ حکام کے ساتھ ملاقاتیں کیں اور پارلیمنٹ کے مشترکہ اجلاس سے خطاب بھی کیا۔ ترک صدر کے دورے کے موقع پر دونوں ممالک کے مابین تجارت، دفاع سمیت مختلف شعبوں میں تعاون کے معاہدوں پر دستخط بھی کئے گئے۔

موضوعات:طیب اردگان