اسلام آباد(آن لائن)پی ٹی آئی دھرنا ، پولیس کی تعیناتی پر کتنے سو ملین روپے کا خرچہ آئیگا؟مزید کتنا مطالبہ کر دیا گیا,وفاقی دارالحکومت اسلام آباد کے محکمہ پولیس نے حکومت سے پاکستان تحریک انصاف کے دھرنے کے انتظامات پورا کرنے کیلئے چار سو ملین روپے کی گرانٹ مانگ لی ہے ۔ میڈیا رپورٹس میں اعلیٰ پولیس افسران کے حوالے سے کہا گیا ہے کہ یہ مطالبہ وزارت داخلہ کو بھیج دیا گیاہے جو صرف دس دن کی پولیس اور پیرا ملٹری فورس کی تعیناتی کے حوالے سے ہے مطالبے میں کہا گیا ہے کہ اگر دھرنا طویل ہوا تو اضافی فنڈز کی ضرورت ہوگی یہ خط سنٹرل پولیس آفس سے جاری کیا گیا ہے اور وزارت داخلہ کو ارسال کیا گیا ہے جس میں 460.719 ملین روپے گرانٹ کی درخواست کی گئی ہے رپورٹس کے مطابق وزارت داخلہ وزارت خزانہ سے اضافی فنڈز کے لئے رجوع کرتی ہے واضح رہے کہ پاکستان تحریک انصاف نے دو نومبر کو اسلام آباد باد کرنے کا اعلان کررکھا ہے