لالہ موسیٰ (مانیٹرنگ ڈیسک)جائیداد کے تنازع پر بھائی نے بیوہ بہن کا گلا کاٹ دیا۔ تفصیلات کے مطابق بتایا گیا ہے کہ غلام محمد عرف گاما قصائی کے بیٹے عمران عرف کا لا نے اپنی بیوہ بہن زاہدہ پروین زوجہ یوسف کو گذشتہ صبح سویرے پانچ بجے گلے پر چھری پھیر کر قتل کر دیا ، ماں تاج بی بی کے مطابق بیوہ بیٹی زاہدہ پروین جائیداد میں سے حصہ مانگتی رہتی تھی، پولیس اس کے بے قصور بیٹوں شہزاد ، نعیم اور اشتیاق کو پکڑ کر لے گئی ہے جبکہ ملزم عمران عرف کالا فرار ہے پولیس نے مقدمہ درج کر کے تفتیش شروع کر دی ہے مقتولہ زاہدہ پروین کا ایک چودہ سالہ بیٹا بھی ہے۔پولیس کے مطابق ملز م نے بیوہ بہن کو غیرت کے نام پر قتل کیا ہے۔ ایس ایچ او کے مطابق مقتولہ 8سال سے بیوہ تھی ۔ پانچ چھے بہن بھائی ہیں جائیداد کا ایشو اٹھا رہے ہیں ساتھ دینے والا کوئی نہ تھا اس لیے پولیس خود مدعی بنی ہے۔