جمعہ‬‮ ، 04 اپریل‬‮ 2025 

قومی بینکوں میں دہشت گرد،ڈی جی رینجرز کے بیان پر مرادعلی شاہ کا حیرت انگیز ردعمل

datetime 23  ستمبر‬‮  2016
ہمارا واٹس ایپ چینل جوائن کریں

کراچی ( این این آئی ) وزیر اعلیٰ سندھ سید مراد علی شاہ نے کہا ہے کہ 22 اگست 2016 کے واقعہ کی جیو فینسنگ ہوئی تھی ۔ ایک بینک میں چھپنے والے دہشت گردوں کو گرفتار کر لیا گیا ہے ۔ وہ جمعہ کو سندھ اسمبلی کے اجلاس میں پاکستان تحریک انصاف کے رکن خرم شیر زمان کے توجہ دلاؤ نوٹس پر بیان دے رہے تھے ۔ خرم شیر زمان نے کہا کہ ڈی جی رینجرز کا ایک بیان جاری ہوا تھا کہ قومی بینکوں میں ٹارگٹ کلرز اور دہشت گرد موجود ہیں ۔ ان میں سے کچھ گھوسٹ ملازمین کے طور پر کام کرتے ہیں ۔ یہ بھی خدشہ ہے کہ بینکوں سے دہشت گردوں کے ذریعہ منی لانڈرنگ ہوتی ہے ۔ حکومت نے ان کے خلاف کیا کارروائی کی ۔ وزیر اعلیٰ سندھ سید مراد علی شاہ نے کہا کہ 22 اگست 2016 کو کراچی پریس کلب اور ارد گرد کے علاقوں میں ہونے والے پرتشدد واقعات کی جیو فینسنگ کرائی گئی تھی ۔ کچھ لوگ ایک بینک میں چھپ گئے تھے ۔ انہیں گرفتار کر لیا گیا ہے ۔ انہوں نے کہا کہ ڈی جی رینجرز نے قومی بینکوں میں دہشت گردوں کی موجودگی کے حوالے سے جو بیان دیا ہے ، اس کے بارے میں مجھے علم نہیں ہے اور نہ ہی ان کے بیان کی وضاحت کرنا میرا کام ہے ۔ بینکوں کے معاملات وفاقی حکومت دیکھتی ہے ۔ اگر کوئی امن وامان کا مسئلہ ہوتا ہے تو اس سے نمٹنا صوبائی حکومت کی ذمہ داری ہے ۔ متحدہ قومی موومنٹ ( ایم کیو ایم ) کے رکن جمال احمد کے توجہ دلاؤ نوٹس پر وزیر بلدیات جام خان شورو نے کہا کہ بلدیاتی اداروں کے منتخب میئرز ، ڈپٹی میئرز ، چیئرمینوں اور ڈپٹی چیئرمینوں کو مالی اختیارات سونپ دیئے گئے ہیں ۔ اب انہیں ان اختیارات کو استعمال کرتے ہوئے بلدیاتی مسائل حل کرنا چاہئے ۔ انہوں نے کہا کہ ضلع وسطی کراچی کو 16.5 کروڑ روپے سالانہ کی گرانٹ دی جاتی ہے ۔ چیئرمین ڈسٹرکٹ میونسپل کارپوریشن کراچی وسطی کو چاہئے کہ وہ کچرا اٹھانے والی گاڑیوں کو ٹھیک کرائیں اور فنڈز کا استعمال کریں ۔ ایم کیو ایم کی خاتون رکن سمیتا افضل کے توجہ دلاؤ نوٹس پر وزیر کھیل سردار محمد بخش خان مہر نے کہا کہ قائد اعظم انٹرنیشنل گیمز 2016 میں طلائی اور چاندی کے تمغے لینے والے تمام کھلاڑیوں کو انعام کی رقم دے دی گئی ہے ۔ ایم کیو ایم کے رکن سیف الدین خالد کے توجہ دلاؤ نوٹس پر وزیر کھیل نے کہا کہ اورنگی ٹاؤن سیکٹر ساڑھے 11 میں واقع اسٹیڈیم کی تعمیر کے لیے اسکیم پر نظر ثانی ہو چکی ہے ۔ آئندہ مالی سال تک یہ کام مکمل کر لیا جائے گا ۔ پاکستان مسلم لیگ (فنکشنل) کی خاتون رکن نصرت سحر عباسی کے توجہ دلاؤ نوٹس پر وزیر صحت ڈاکٹر سکندر علی میندھرو نے کہا کہ سندھ میڈیکل اتھارٹی کا قیام ابھی نہیں ہوا ۔ یہ جلد ہو جائے گا اور اس کے چیئرمین کا تقرر حکومت کا صوابدیدی اختیار ہے ۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…