کراچی ( مانیٹرنگ ڈیسک )کراچی کے مختلف علاقوں میں سیاسی جماعت کے دو کارکنوں سمیت 8 ملزموں کو گرفتار کر کے اسلحہ اور منشیات برآمد کر لی گئیں۔ لانڈھی میں فائرنگ سے 3 افراد زخمی ہو گئے۔ قانون نافذ کرنے والے ادارے نے سلطان آباد میں کارروائی کے دوران سیاسی جماعت کے دو کار کنوں کو حراست میں لے کر تفتیش کیلئے نامعلوم مقام پر منتقل کر دیا۔
دوسری طرف اتحاد ٹاؤن پولیس نے لیاری گینگ وار کے زخمی ملزم شاکر عرف کانا اور تین اسٹریٹ کریمنلز سمیت 5 ملز موں کو گرفتار کر لیا۔ مومن آباد پولیس نے فائرنگ کے تبادلے کیدوران ایک ملزم غلام قادر کو زخمی حالت میں گرفتار کر لیا۔ لانڈھی تھانے کی حدود کورنگی صنعتی ایریا برمی کالونی میں فائرنگ سے 3 افراد سلمان، عبدالوہاب اور سلیمان زخمی ہو گئے۔